Фарғонада Chery уриб юборган велосипедчи вафот этди
Ҳайдовчи йўлнинг белгиланмаган қисмидан ҳаракатланаётган велосипедчини уриб юборган. Оқибатда велосипедчи оғир тан жароҳатлари билан шифохонага етказилган ва у ерда жони узилган.
Фарғонада велосипедчи Chery автомобили уриб юбориши оқибатида вафот этди.
Фарғона вилояти Қўштепа туманида Chery Tiggo 2 Pro автомобили ҳайдовчиси йўлнинг белгиланмаган қисмидан ўтаётган велосипедчини уриб юборди.
Оқибатда велосипедчи вафот этди. Бу ҳақда Фарғона вилояти Ички ишлар бошқармаси Жамоат хавфсизлиги хизмати Йўл ҳаракати хавфсизлиги бошқармаси хабар берди.
Маълум қилинишича, йўл-транспорт ҳодисаси жорий йилнинг 13 ноябрь куни соат 20:40 ларда Қўштепа тумани Намуна МФЙ ҳудудидан ўтувчи автомобиль йўлининг 5-километрида содир бўлган.
Унда Chery Tiggo 2 Pro русумли автомобил ҳайдовчиси йўлнинг белгиланмаган қисмидан ҳаракатланаётган велосипедчини уриб юборган. Оқибатда велосипедчи оғир тан жароҳатлари билан шифохонага етказилган. Кўрсатилган тиббий ёрдамга қарамасдан, у вафот этган.
