Nvidia бош директори можаро гирдобида: у хитойлик аёл сабаб 7,4 миллиард доллар йўқотди
Тергов ўтган ой охирида New York Times газетасида чоп этилган хабар туфайли бошланган. Нашрнинг хабар беришича, АҚШ разведкаси Nvidia бош директори ва Хитой фуқароси Элис Ҳуанг ўртасида яқин муносабатларни ўрнатганини аниқлаган. Хитой Ташқи ишлар вазирлиги жосуслик айбловини "туҳмат" деб атади.
Forbes хабар беришича, Nvidia бош директори Женсен Ҳуанг Хитойга жосуслик қилишда айбланган аёл билан муносабатлари бўйича тергов бошланганидан сўнг камида 7,4 миллиард доллар йўқотди.
Душанба куни савдонинг биринчи ярим соатида бизнесменнинг соф бойлиги 154,7 миллиард долларга тушди ва тушдан кейин ҳам шу даражада қолди.
Натижада у Forbes миллиардерлари рўйхатида саккизинчи ўриндан ўнинчи ўринга тушиб кетди. 8 ноябрь куни Nvidia директорлар кенгаши барча мавжуд маълумотларни кўриб чиқиш учун ички тергов эълон қилди. Женсен Ҳуангнинг ўзи бу ишда айбланганини тан олди, хатти-ҳаракатлари учун узр сўради ва терговни қўллаб-қувватлашини қўшимча қилди.
Тергов ўтган ой охирида New York Times газетасида чоп этилган хабар туфайли бошланган. Нашрнинг хабар беришича, АҚШ разведкаси Nvidia бош директори ва Хитой фуқароси Элис Ҳуанг ўртасида яқин муносабатларни ўрнатган. Вашингтон уни Пекиннинг юқори разведка агентлиги томонидан маълумот тўплаш учун ёлланган деб ҳисоблайди.
Хитой Ташқи ишлар вазирлиги вакили Го Цзякуннинг баёнотига кўра, мамлакат Женсен Ҳуангни тергов қилиш билан боғлиқ жосуслик айбловларини рад этади.
"Хитой жосуслиги" деб аталувчи даъво соф уйдирма ва туҳматдир", деди Го Цзякун матбуот анжуманида.
