"Мен "кўча"ман, тушундингми?": ҳайдовчини ҳақорат қилган ЙПХ ходими ишдан бўшатилди
Мазкур тортишув жорий йилнинг 8 ноябрь куни пойтахтнинг Шаҳрисабз кўчасида юз берган.
Ҳайдовчи билан одоб-ахлоқ номаларига зид равишда муносабатга киришган ЙПХ ходими лавозимдан четлатилиб, унга нисбатан хизмат текшируви тайинланди. Бу ҳақда Йўл ҳаракати хавфсизлиги хизмати хабар берди.
Ижтимоий тармоқда ҳайдовчи ва ЙПХ ходими жанжали акс этган видео тарқалди. Унда ходим ҳайдовчига қарата "мен кўчаман" дея бақиргани акс этган. Мазкур тортишув жорий йилнинг 8 ноябрь куни пойтахтнинг Шаҳрисабз кўчасида юз берган.
ЙҲХ матбуот хизматига кўра, ҳодиса сабаб кичик сержант Раимов вазифасидан четлаштирилди ва унга нисбатан текширув тайинланди.
