Кино вакиллари Истанбулда ўзбек ёшлари билан учрашди
Ёшлар ўзбек киносининг бугунги ҳолати, янги фильмлар, халқаро ҳамкорлик ва мамлакатимизда соҳада кечаётган ўзгаришлар билан қизиқишди.
Киноижодкорлар Истанбулда ўзбек ёшлари билан учрашув ўтказди.
Туркиядаги Истанбулкент университетида таҳсил олаётган ўзбекистонлик талабалар билан учрашув ўтказилди.
Ўзбекистоннинг Туркиядаги элчихонаси ҳамкорлигида ташкил этилган учрашув кино, ижод, Ватан ва келажак ҳақида самимий суҳбат шаклида кечди. Ёшлар ўзбек киносининг бугунги ҳолати, янги фильмлар, халқаро ҳамкорлик ва мамлакатимизда соҳада кечаётган ўзгаришлар билан қизиқишди. Делегация аъзолари эса уларнинг фикрлари, орзу-интилишлари ва ижодий режаларини тинглашди.
Айниқса, университетнинг кино йўналишида таҳсил олаётган талабалари билан келгусида миллий кино лойиҳаларида ҳамкорлик қилиш, уларнинг иқтидори ва билимларини ўзбек киноси ривожига йўналтириш ҳақида келишиб олинди.
