Тошкентда яширин пиво ишлаб чиқариш цехи фош этилди
Ушбу яширин цехдан 22 турдаги пиво ичимликлари ва ишлаб чиқаришда фойдаланилган бошқа маҳсулотлар ашёвий далил сифатида олинган.
Тошкент шаҳрида яширин пиво ишлаб чиқариш цехи фош этилди.
Бош прокуратура ҳузуридаги Департаментнинг Тошкент шаҳри бошқармаси ва бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилди.
Унда фуқаро В.Т. ва бошқалар Мирзо Улуғбек тумани, “Салар бўйи” кўчасидаги уйда яширин цех ташкил қилиб, қўлбола усулда истеъмолга яроқсиз пиво ичимлигини ишлаб чиқараётганликлари аниқланган. Ушбу яширин цехдан 22 турдаги пиво ичимликлари ва ишлаб чиқаришда фойдаланилган бошқа маҳсулотлар ашёвий далил сифатида олинган.
Мазкур ҳолат юзасидан Жиноят кодексининг 276-11-модаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда.
