"Бизни ўлдиришди": Россияда 30 йиллик "Новая газета" нашри тугатилмоқда
Йиллар давомида "Новая газета" ва унинг журналистлари кўплаб мукофотларга, жумладан, Андрей Сахаров мукофотига (Анна Политковская, Эльвира Горюхина, Анна Лебедева, Елена Милашина) сазовор бўлишди. 2021 йилда Дмитрий Муратов Нобел мукофотини қўлга киритди.
Россиянинг машҳур "Новая газета" (Адлия вазирлиги томонидан хорижий агент деб белгиланган) ташкил этилганидан 30 йилдан кўпроқ вақт ўтгач, фаолиятини тўхтатаётганини эълон қилди.
Таҳририят баёноти газетанинг веб-сайтида эълон қилинди.
"9 ноябрь куни биз 30 йил яшаган биномиздаги чироқларни ўчирамиз, серверларни ёпамиз ва кетамиз. Газета энди мавжуд эмас", дейилади баёнотда.
"Новая газета" газетанинг онлайн ресурслари 2022 йилда ҳарбий ҳаракатлар бошланганидан кейин блокланганини, босмахонаси мусодара қилинганини ва кўплаб журналистлар хорижий агент деб эълон қилинганидан кейин мамлакатни тарк этишга мажбур бўлганини таъкидлади. Таҳририят шунингдек, кўчириш билан бирга улар ўқувчилардан хайрия олиш имконини берувчи хайрия тизимини йўқотганликларини ёзишди.
Газета бош муҳаррири Сергей Соколов РБКга газета "тирикчиликдан маҳрум қилинганини" айтди. "Сўнгги бир неча йил ичида, бизга босма материалларни нашр этиш тақиқланганидан ва веб-сайтимиз блокланганидан сўнг, биз ўқувчиларимизнинг хайриялари ҳисобига яшаб келмоқдамиз. Ой бошида... бизнинг эквайринг бўйича ҳамкорларимиз ички корпоратив қоидаларга асосланиб, хайрияларни қайта ишлашни бир томонлама ўчириб қўйишди. Эквайринг хизматларини кўрсатувчи бошқа барча ташкилотлар ҳам корпоратив қоидаларга асосланиб, рад этишди. Бу таҳририятнинг молиявий жиҳатдан ўлимини англатади, бундан ташқари биз биносиз қолдик", деди у.
Бош муҳаррир таъкидлаганидек, таҳририят ходимлари тахминан 50 кишидан иборат эди.
Газетанинг биринчи сони 1993 йил 1 апрелда нашр этилган. Йиллар давомида "Новая газета" ва унинг журналистлари кўплаб мукофотларга, жумладан, Андрей Сахаров мукофотига (Анна Политковская, Эльвира Горюхина, Анна Лебедева, Елена Милашина) сазовор бўлишди. 2021 йилда Дмитрий Муратов "демократия ва узоқ муддатли тинчлик учун зарур бўлган сўз эркинлигини ҳимоя қилиш борасидаги саъй-ҳаракатлари" учун Нобель тинчлик мукофотига сазовор бўлди.
2022 йилда босма нашр Роскомнадзорнинг иккита огоҳлантиришидан сўнг тўхтатилди. 2024 йил бошидан бери таҳририят "Новая газета"ни нашр этиб келмоқда. "Новая газета" газетасининг тиражи 999 нусхани ташкил етади: бу оммавий ахборот воситаси сифатида рўйхатдан ўтмасдан тарқатилиши мумкин бўлган максимал тираждир.
2026 йил 4 сентябрда Адлия вазирлиги "Новая газета"ни хорижий агентлар реестрига қўшди. Вазирлик нашр Россия ҳукумати қарорлари ва сайлов тизими ҳақида ёлғон маълумотлар тарқатганини даъво қилди. Кейинчалик "Новая газета"нинг ўзи фаолиятини давом эттиришини билдирди.
