Максим Галкиннинг Истанбулдаги концерти Исроил сабаб бекор қилинди
Россиялик сўз устаси Украина уруши бошлангандан сўнг Исроилга кўчиб ўтган ва 2023 йил октябридан кейин яҳудий давлатини қўллаб-қувватлашини билдирганди.
Россиялик санъаткор Максим Галкиннинг Истанбулдаги 25 октябрга белгиланган концерти бекор қилинди.
Liter.kz нашрининг A Haber`га таяниб хабар беришича, чиқишдан олдин санъаткорнинг Исроилни қўллашига қарши норозилик намойишлари бўлиб ўтди.
Санъаткор соат 19:00 да Истанбул конференция марказининг Ҳарбия залида чиқиш қилиши керак эди. Бироқ, концерт эълон қилингандан сўнг, ижтимоий тармоқ фойдаланувчилари ва жамоат ташкилотлари унинг бекор қилинишини талаб қилишди.
Агар шоу ўтказилса, фаоллар майдон ташқарисида норозилик намойиши ўтказишни режалаштиришган.
"Галкиннинг 2023 йил октябрь воқеаларидан кейин Исроилни қўллаб-қувватловчи баёнотлари норозиликка сабаб бўлди", деб таъкидлади манба.
Натижада маҳаллий ҳокимият концертни тақиқлади. Унинг сўзларига кўра, чиқишни қайта режалаштириш режаси йўқ ва чипта эгалари чипта операторлари орқали пулларини қайтариб олишади.
