Роғун ГЭСида авария юз берди
Расмий идоралар мазкур ҳодисага техник сув йиғиш резервуарларидан бирининг ёрилиши сабаб бўлганини билдирди. Расмий маълумотга кўра, ҳеч ким жабрланмагани айтилди.
Тожикистондаги Роғун гидроэлектр станцияси қурилиш майдонидаги туннеллардан бирида тупроқ ва тошлар кўчиши юз берди. Ҳодиса 21 октябрь куни соат 16:15 атрофида ГЭС қурилишининг тўртинчи сатҳидаги туннелнинг “Б” секциясида, цементлаш ишлари давомида юз берган. Бу ҳақда Тожикистоннинг AsiaPlus нашри хабар берди.
Маълумотларга кўра, ҳодиса оқибатида беш нафардан ортиқ ишчи жароҳатланган. Бироқ жабрланганларнинг аҳволи ҳақида ҳозирча расмий маълумот эълон қилинмаган.
Станция ходимларидан бири туннел яқинидаги қояли ҳудудни қазиш ишлари давомида тупроқ ва тошлар тўпланиб қолганини айтган. Кейинчалик йиғилган сув таъсирида ушбу масса пастга оқиб тушган.
Расмий идоралар мазкур ҳодисага техник сув йиғиш резервуарларидан бирининг ёрилиши сабаб бўлганини билдирди. Расмий маълумотга кўра, ҳеч ким жабрланмаган.
Давлат назорати хизмати ҳодиса оқибатида ГЭС ишчиларидан ҳеч бири жароҳат олмаганини таъкидлаган. Уларга биринчи тиббий ёрдам кўрсатилган, шундан сўнг ишчилар ўз вазифаларини бажаришга қайтган.
Эслатиб ўтамиз, Роғун ГЭС қурилиши 2035 йилгача тўлиқ якунлаши кутиляпти.
