Қашқадарёда “Ҳисорак” кичик ГЭС ишга туширилди

Бугун, 30 январ куни Қашқадарё вилояти Шаҳрисабз туманида “Ҳисорак” сув омбори қошида янгидан барпо этилган “Ҳисорак” кичик ГЭСнинг расмий очилиши бўлиб ўтди.

“Ҳисорак” кичик ГЭС “Ўзбекгидроенерго” АЖ томонидан Шаҳрисабз тумани иқтисодий-ижтимоий ривожи ҳамда маҳаллий аҳоли фаровонлиги учун қурилган бўлиб, энергетик қуввати 3,5 МВтга тенг, йилига ўртача 17,5 млн кВт соат электр энергияси ишлаб чиқаради.

Кичик ГЭС тўлиқ маҳаллийлаштириш доирасида қурилди. ГЭСнинг лойиҳавий қиймати 1,5 млн долларга тенг. Янги ГЭСда 6 та иш ўрни яратилди. ГЭС фаолияти туфайли йилига ўртача 5 млн м3 табиий газ иқтисод қилинади.

Ишга туширилган мазкур ГЭС томонидан ишлаб чиқариладиган электр энергия 7300 та хонадонни ток билан таъминлайди.