МикроГЭСлар қурилса, чироқ муаммоси ҳал бўладими?
Platina.uz мухбири ГЭСлар турлари, аҳамияти, қувватлари, тендерлар ва бошқалар бўйича соҳа мутахассислари билан суҳбатлашди.
Иқтисодиётнинг қандай ривожланиши унинг энергия ресурслари билан қай даражада таъминланишига бевосита боғлиқ. Бутун дунёда бўлгани каби юртимизда ҳам шу пайтгача қайта тикланмайдиган табиий энергия манбалари – тошкўмир, нефт ва газдан фойдаланган ҳолда универсал ҳамда фойдаланиш осон электр энергияси ҳосил қилинган.
Айни даврда эса экологик безарар ҳамда қайта тикланадиган, шунингдек, ишлаб чиқариш жараёни катта тайёгарлик, молиялаштириш талаб қилмайдиган қуёш ва сув манбаларидан фойдаланиш устувор мақсадларга айланмоқда. Хусусан, сув-энергетика ресурсларидан самарали фойдаланишга катта эътибор қаратилмоқда. Айниқса, амалиётда кенг қўлланиб келинган йирик ГЭСлар ўрнига микро ва мини ГЭСларни ишга тушириш ўз самарадорлигини кўрсатяпти.
Бу жараёнларда асосий мувофиқлаштирувчи ва лойиҳалаштирувчи идора бўлмиш “Ўзбекгидроэнерго” АЖ сув-энергетика ресурсларини ягона бошқарув системасини шакллантириб, гидроэнергетика объектларини марказлашган технологик бошқарувини таъминлаётганини алоҳида таъкидлаш лозим.
Platina.uz мазкур жараёнлар моҳиятини ўрганиш мақсадида “Ўзбекгидроэнерго” акциядорлик жамияти мутахассислари билан суҳбатда бўлди.
