Саида Мирзиёева Туркия Президенти Котибияти ва Администрацияси раҳбарлари билан учрашди
Мулоқот давомида мамлакатлар ўртасидаги алоқаларни янада мустаҳкамлаш истиқболларини муҳокама қилинди.
Саида Мирзиёева Туркия Президенти Котибияти ва Администрацияси раҳбарлари билан учрашди
Ўзбекистон Республикаси Президенти Администрацияси раҳбари Саида Мирзиёева Туркия Республикаси Президенти Котибияти раҳбари Ҳасан Дўған ҳамда Президент Администрацияси Бош котиби Ҳаққи Сусмаз билан учрашди. Бу ҳақда Саида Мирзиёев ўз Telegram каналида маълум қилди.
“Мулоқот давомида ҳамкорликни кенгайтириш бўйича навбатдаги амалий қадамларни муҳокама қилдик ва ҳар икки томон учун манфаатли бўлган янги ташаббусларни биргаликда амалга ошириш жараёнини давом эттиришга келишиб олдик”, — дея ёзади Мирзиёева.
Унга кўра, икки мамлакатни умумий тарих, яқин тил, маданият ва анъаналар боғлаб туради. Айнан шу муштарак қадриятлар Ўзбекистон ва Туркия ўртасидаги дўстлик ҳамда ҳамкорликни изчил ривожлантириш учун мустаҳкам замин бўлиб хизмат қилмоқда.
Эслатиб ўтамиз, аввалроқ администрация раҳбари Туркия Президенти Режеп Таййип Эрдоған билан кўришган эди.
