Мактаб ўқувчилари китобхонлик танловида 50 минг доллар ютиши мумкин

Мактаб ўқувчилари китобхонлик танловида 50 минг доллар ютиб олиши мумкин бўлади.

1–11-синф ўқувчилари учун "Миллий китобхонлик ҳаракати" умуммиллий танлови ташкил этилмоқда.

Мазкур танловнинг бош соврини 50 минг АҚШ доллари, умумий мукофот жамғармаси эса 240 минг долларни ташкил этади.

Иштирокчилар учта тоифада беллашади:

– 1–5-синф ўқувчилари;
– 6–8-синф ўқувчилари;
– 9–11-синф ўқувчилари.

Ҳар бир тоифа учун ўқилиши керак бўлган китоблар рўйхати белгиланган. Барча тавсия этилган китоблар "Mutolaa" иловасида мавжуд бўлиб, улардан танловга тайёргарлик кўришда фойдаланиш мумкин.

Аввалроқ китобхон аскарларнинг хизмат муддатини бир ойга қисқартириш ташаббуси илгари сурилганди.