Президент мактаби ўқувчилари нуфузли халқаро мукофотнинг 18 тасига сазовор бўлди
11 та натижа жаҳон миқёсида энг юқори балл — “Highest Mark in the World” деб эътироф этилди. Шундан 9 таси физика, 2 таси биология фани ҳиссасига тўғри келади.
Президент мактаблари тарихида илк бор: 16 нафар ўқувчи нуфузли “Outstanding Pearson Learner Awards” халқаро мукофотининг 18 тасига сазовор бўлди.
Ушбу юксак натижалар ўқувчиларнинг 2026 йил июнь ойида ўтказилган Pearson Edexcel International GCSE халқаро имтиҳонларида кўрсатган билим ва салоҳияти асосида қайд этилди.
Қувонарлиси, 11 та натижа жаҳон миқёсида энг юқори балл — “Highest Mark in the World” деб эътироф этилди. Шундан 9 таси физика, 2 таси биология фани ҳиссасига тўғри келади.
Бундан ташқари, 7 та натижа Ўзбекистон бўйича энг юқори балл — “Highest Mark in Uzbekistan” номинациясида қайд этилди. Уларнинг 4 таси математика, 2 таси кимё ва 1 таси компютер таълими фанидан қўлга киритилди.
