MrBeast қочиб кетдими? Расмий баёнот берилди
Айтилишича, Жимми Доналдсон (MrBeast)нинг Ўзбекистонга ташрифи аввалдан икки шаҳар – Тошкент ва Самарқандни ўз ичига олиши режалаштирилган.
Ўзбекистон Маданият ва санъатни ривожлантириш жамғармаси блогер MrBeast ташрифи бўйича расмий баёнот берди.
Айтилишича, Jimmy Donaldson (MrBeast)нинг Ўзбекистонга ташрифи аввал-бошданоқ икки шаҳар – Тошкент ва Самарқандни ўз ичига олиши режалаштирилган эди. Дастур MrBeast жамоаси билан олдиндан келишилган ва тасдиқланган жадвалга мувофиқ амалга оширилди.
Дастурнинг ҳеч бир банди бекор қилинмаган ва у жўнаб кетадиган сана олдиндан белгилаб қўйилган.
Тасвирга олиш гуруҳининг қолган аъзолари режалаштирилганидек, Ўзбекистоннинг бошқа шаҳарларида суратга олиш ишларини давом эттирмоқда.
Ташриф ҳақидаги аниқ маълумотлар Ўзбекистон Маданият ва санъатни ривожлантириш жамғармасининг расмий каналларида эълон қилиб борилмоқда, дейилади хабарда.
