Машҳур блогер MrBeast Ўзбекистонга келади
Жимми Доналдсон Youtube тармоғида 500 млн обуначиси билан видеохостингдаги энг машҳур блогер ҳисобланади. 9 октябрь куни у Тошкентда бўлиб ўтадиган жамоатчилик дастурида иштирок этади.
MrBeast Тошкентдаги жамоатчилик тадбири учун Ўзбекистонга ташриф буюради.
“MrBeast” номи билан танилган Жимми Доналдсон Ўзбекистон Маданият ва санъатни ривожлантириш жамғармаси таклифига биноан Ўзбекистонга ташриф буюради. Бу ҳақда жамғарма саҳифасида хабар берилди.
9 октябрь куни у Тошкентда бўлиб ўтадиган жамоатчилик дастурида иштирок этади.
Тадбирга кириш бепул. Иштирокчилар компютер орқали тасодифий саралаш тизими ёрдамида рўйхатдан ўтганлар орасидан танлаб олинади. Унда Тошкентдаги тадбирда шахсан қатнаша оладиган 18 ёшдан ошган шахслар иштирок этишлари мумкин.
Жамғарма ушбу тадбир ҳақидаги ягона расмий маълумот манбаи ҳисобланади. Рўйхатдан ўтиш аллақачон бошланган ва у ушбу ҳавола орқали мавжуд.
Эслатиб ўтамиз, мазкур блогер Youtube тармоғида 500 млн обуначиси билан видеохостингдаги энг машҳур блогер ҳисобланади.
MrBeast ўзининг катта маблағ сарфланадиган, мураккаб саҳна ижролари ва катта соврин жамғармаларига эга кенг кўламли видео лойиҳалари билан танилган.
