Эль-Ниньо оқибатлари 347 миллиондан ортиқ болага таъсир қилади — БМТ
2026 йил октябрдан декабргача ғайритабиий нам ёки қуруқ шароитлар кучли сув тошқинлари, қурғоқчилик ва касалликларнинг авж олиш эҳтимолини оширади.
Бирлашган Миллатлар Ташкилотининг Болалар жамғармаси (UNICEF) ҳисоботига кўра, Эль-Ниньо иқлим ҳодисасининг оқибатлари 100 мамлакатдаги 347 миллиондан ортиқ болага таъсир қилади.
Ташкилотнинг прогнозларига кўра, 2026–2027 йиллардаги Эль-Ниньо тарихдаги энг кучлиларидан бири бўлади.
2026 йил октябрдан декабргача ғайритабиий нам ёки қуруқ шароитлар кучли сув тошқинлари, қурғоқчилик ва касалликларнинг авж олиш эҳтимолини оширади.
"Болалар учун Эль-Ниньо шунчаки табиий ва иқлим ҳодисасидан анча кўпроқ нарсани англатади. Бу кўчиб кетиш, тўйиб овқатланмаслик, сув танқислиги ва касалликларнинг авж олишига олиб келиши мумкин", деди UNICEF ижрочи директори Кэтрин Рассел.
Хавф остида бўлган болаларнинг энг кўп сони Осиё-Тинч океани минтақасида (190 миллион) ва Шарқий ва Жанубий Африкада (41 миллион) яшайди.
UNICEF халқаро ҳамжамиятни ҳодисанинг таъсирини олдини олиш учун эрта сармоя киритишга чақирди.
