Ўзбекистон Осиё ўйинларини 5-ўринда якунлади
Япониядаги мусобақаларда мамлакат спортчилари 21 та олтин, 25 та кумуш ва 24 та бронза медалини қўлга киритишди.
Ўзбекистон терма жамоаси Осиё ўйинларини 70 та медал билан 5-ўринда якунлади.
Японияда якунланган мусобақада мамлакат спортчилари 21 та олтин, 25 та кумуш ва 24 та бронза медалини қўлга киритишди.
Мусобақада Хитой биринчи, Япония иккинчи, Жанубий Корея учинчи ва Ҳиндистон тўртинчи ўринни банд этди.
Эслатиб ўтиш керак, аввалроқ Ўзбекистон 4-ўринда бораётганди. Аммо сўнгги лаҳзада Ҳиндистон медаллар сони бўйича ўтиб кетди.
Аввалроқ футбол бўйича Ўзбекистон термаси Хитойни енга олмагани хабар берилганди.
