Махсус комиссия Тошкентда чанг-тўзонли об-ҳаводан огоҳлантирди
Прогнозларга кўра, шамол тезлиги 3–8 м/с гача, айрим ҳудудларда эса 10–14 м/с гача кучайиши эҳтимоли мавжуд. Кучайган шамол таъсирида айрим жойларда чанг-тўзонлар юзага келиши мумкин.
Махсус комиссия бугун ёмғирдан олдин Тошкент шаҳрида қисқа муддатли чанг-тўзонлар кузатилиши мумкинлиги ҳақида огоҳлантирди.
Глобал об-ҳаво моделлари ҳамда Ўзгидромет прогнозларига кўра, бугун Тошкент шаҳри ҳудудида нам ҳаво массалари кириб келиши олдидан қисқа муддатли чанг-тўзон ҳодисалари кузатилиши мумкин.
Прогнозларга кўра, шамол тезлиги 3–8 м/с гача, айрим ҳудудларда эса 10–14 м/с гача кучайиши эҳтимоли мавжуд. Кучайган шамол таъсирида айрим жойларда чанг-тўзонлар юзага келиши мумкин.
Ушбу жараёнлар натижасида атмосфера ҳавосида чанг заррачалари миқдори, айниқса, PM10 концентрацияси қисқа муддатга ортиши кузатилади.
Ҳозирда атмосфера ҳавоси сифати Махсус комиссия томонидан доимий мониторинг қилинмоқда.
