Янгиҳаётда қурилаётган масжидда ёнғин чиқди
Масжид биносининг гумбаз қисмида пенополиуритан ёниб зарарланган. Жароҳат олганлар йўқлиги айтилди.
Бугун, 3 октябр куни Тошкент шаҳар Янгиҳаёт тумани, Сергели 4-даҳасида жойлашган янги қурилаётган масжид биносининг гумбаз қисмида ёнғин чиққан.
ФВВ хабарига кўра, 3 октябр куни Сергели 4-даҳасида масжид биносининг гумбаз қисми тутаётгани тўғрисида хабар келиб тушган.
Хабарга кўра, қутқарув экипажлари воқеа жойига зудлик билан етиб бориб, вазият Тошкент шаҳар ФВББ томонидан тўлиқ назоратга олинган.
Масжид биносининг гумбаз қисмида пенополиуритан ёниб зарарланган, ёнғин соат 12:04 да ўчирилди.
Ҳодиса натижасида тан жароҳати олганлар йўқ.
