Афруза Ҳамдамова Халқаро спорт устаси унвонига сазовор бўлди
Самарқандда ўтган шахмат олимпиадасида терма жамоа етакчиси бўлган Ҳамдамова бир неча нуфузли мукофотлар соҳиби ва жаҳон чемпиони саналади.
Шахматчи Афруза Ҳамдамова Халқаро спорт устаси унвонига сазовор бўлди.
Самарқандда бўлиб ўтган 46-Бутунжаҳон шахмат олимпиадасида терма жамоа етакчиси, Афруза Ҳамдамова “Халқаро спорт устаси (IM)” унвонига сазовор бўлди.
Афруза Олимпиадада Ўзбекистон аёллар терма жамоаси шарафини бутун турнир давомида биринчи доскада ҳимоя қилди. 10 та партияда 6,5 очко тўплаб, 2470 рейтинг кўрсаткичи (performance) билан ўйнади.
Ҳамдамова икки карра жаҳон чемпиони ва халқаро гроссмейстер саналади.
