Жавоҳир Синдоров АҚШда ўтган 425 минг долларлик мусобақада ғолиб чиқди
Мазкур мусобақа Синдоровнинг жаҳон чемпионлик унвони учун Гукеш Доммаражуга қарши ўтказадиган учрашуви олдидаги сўнгги турниридир.
29 октябрь куни АҚШнинг Сент-Луис шаҳри мезбонлик қилган Clutch Chess: Champions Showdown 2026 турнири сўнги куни бўлиб ўтди. Унда иштирок этган ўзбекистонлик гроссмейстер Жавоҳир Синдоров турнир чемпионлигини қўлга киритди.
Уч кун давом этган мусобақада Жавоҳир Синдоров дунёнинг етакчи гроссмейстерлари – Хикару Накамура, Фабиано Каруана ва Рамешбабу Прагнанандхага қарши баҳс олиб борди. Синдаров турнирни 20,5 очко билан якунлаб, биринчи ўринни эгаллади.
Мусобақанинг умумий мукофот жамғармаси 425 минг долларни ташкил этди. Ғолиб сифатида Жавоҳир 125 минг доллар асосий мукофотга эга бўлди. Бундан ташқари, у партиялардаги ғалабалари учун белгиланган пул бонуслари ҳамда чемпионга аталган қўшимча жекпотни ҳам қўлга киритади.
Ушбу мусобақа Жавоҳир Синдоровнинг жаҳон чемпионлик унвони учун Гукеш Доммаражуга қарши ўтказадиган учрашуви олдидаги сўнгги турнири саналади.
