Саида Мирзиёева "Заковат-Гамбит" турнирининг ёшлар ҳаётидаги аҳамиятини қайд этди
"Бу рақамлар замирида интеллектуал беллашувларга бўлган қизиқишнинг ортиб бораётгани, илмга интилиш ҳамда ёшларимизнинг ўз кучи ва имкониятларига бўлган ишончи мужассам", дейди ПА раҳбари.
Саида Мирзиёева "Заковат-Гамбит" турнирининг ёшлар ҳаётидаги алоҳида аҳамиятини қайд этди.
Мамлакатнинг интеллектуал салоҳияти нафақат истеъдод эгаларининг ютуқлари, балки ҳар бир инсоннинг қобилиятини юзага чиқариш учун яратиладиган имкониятлар кўлами билан ҳам белгиланади.
Кеча бешинчи бор ўтказилган "Заковат-Гамбит" шахмат турнири ғолиблари тақдирланди. Бу йилги мусобақа 6 мингга яқин иштирокчини бирлаштирди, бу ўтган йилги кўрсаткичдан икки баробар кўп. Уларнинг 633 нафарини аёл ва қизлар ташкил этди.
"Бу рақамлар замирида интеллектуал беллашувларга бўлган қизиқишнинг ортиб бораётгани, илмга интилиш ҳамда ёшларимизнинг ўз кучи ва имкониятларига бўлган ишончи мужассам", дейди ПА раҳбари.
Ўзбекистон халқаро шахмат майдонида ҳавас қилгулик натижаларга эришиб келмоқда. Бироқ бундан-да муҳим яна бир омил бор: юртимизда ҳар бир инсоннинг ақлий салоҳиятини тўлиқ намойиш этишга xизмат қилувчи муҳит шаклланмоқда.
— "Заковат" лойиҳасининг алоҳида аҳамиятини мен айнан шунда кўраман. Бу лойиҳа иқтидорли ёшларни кашф этибгина қолмай, балки тафаккур маданиятини, мустақил фикрлаш ва оқилона қарорлар қабул қилиш кўникмасини шакллантиришга ҳам хизмат қилмоқда. Зеро, юртимиз келажаги ёш авлоднинг нафақат қанчалик билимли эканига, балки шу билимларни қай даражада қўллай олиши ва фикр доирасига ҳам боғлиқ", — деб ёзди Президент администрацияси раҳбари Саида Мирзиёева.
