"Болаларни тарбия қилсак, келажак бизники бўлади" — Президент ота-оналарга мурожаат қилди
“Мен ҳам отаман, мен ҳам бобоман. Ҳаммамиз ким бўлишимиздан қатъи назар, энг катта бахт — боламизнинг кўзига қараб, унинг бахтини кўриш. Бутун Ўзбекистон ёшларининг ота-оналарини бир нарсага даъват қилмоқчиман: эринманглар, тарбия қилинглар, қаттиққўл бўлинглар”, — деди давлат раҳбари.
Президент Шавкат Мирзиёев шахматчилар билан учрашувда чемпионларнинг бугунги ютуқларида уларнинг ота-оналари меҳнати ва тарбияси катта ўрин тутганини алоҳида таъкидлади.
"Энг катта бахт ота-она учун нима? Фарзандининг камолини, бахтини кўриш. Мана, ота-оналар ўтирибди. Мен ҳам отаман, мен ҳам бобоман. Ҳаммамиз ким бўлишимиздан қатъи назар, энг катта бахт — боламизнинг кўзига қараб, унинг бахтини кўриш", — деди давлат раҳбари.
Президент шахматчилар эришаётган натижалар ортида йиллар давомида фарзандига талабчан бўлган, уни қўллаб-қувватлаб, йўлини очган ота-оналар турганини қайд этди.
"Ота-онадан катта сизларга дуогўй, шароит яратадиган ва йўлларингизни очиб берадиган инсон дунёда йўқ. Шунинг учун бутун Ўзбекистон ёшларининг ота-оналарига миннатдорлик билдириб, бир нарсага даъват қилмоқчиман: эринманглар, тарбия қилинглар, қаттиққўл бўлинглар. Болаларни тарбия қилсак, келажак бизники бўлади", — деди Президент.
