Мирободдаги ЙТҲда мотоцикл ҳайдовчиси ҳалок бўлди
У дастлаб ГАЗ 5312, сўнгра "KIA K5" автотранспорт воситаси билан тўқнашиб, жонлантириш бўлимида вафот этган.
Мирободдаги ЙТҲда мотоцикл ҳайдовчиси ҳалок бўлди.
Жорий йилнинг 25 сентябр куни Миробод тумани КХАЙ кўчаси 83-мактаб қаршисида ҳайдовчи 2005 йилда туғилган Ж.Ш. мототранспорт воситасини бошқариб кетаётиб, оралиқ масофани сақлай олмасдан, ўзи билан бир йўналишда ҳаракатланиб келаётган 1994 йилда туғилган ҳайдовчи Т.Л. бошқарувидаги ГАЗ 5312 билан тўқнашиб кетган.
Тўқнашув натижасида бошқарувни йўқотиб, қарама-қарши йўналишда ҳаракатланиб келаётган 2001 йилда туғилган Ш.С. бошқарувидаги "KIA K5" автотранспорт воситаси билан тўқнашиб, ЙТҲ содир этган.
ЙТҲ натижасида мототранспорт воситаси ҳайдовчисига биринчи тез тиббий ёрдам кўрсатилишига қарамасдан, шифохонанинг жонлантириш бўлимида вафот этган.
Мазкур ҳолат тегишли тартибда расмийлаштирилиб, масъул ходимлар томонидан суриштирув ҳаракатлари олиб борилмоқда.
