Осиё ўйинлари: Ўзбекистон ҳозиргача 6 та олтин медални қўлга киритди

Енгил атлетика бўйича Ўзбекистон терма жамоаси аъзоси Шарифа Давронова иккинчи бор Осиё ўйинлари чемпионлигини қўлга киритди. Уч ҳатлаб сакраш дастурида қатнашган юртдошимиз 14.35 метр натижа билан олтин медалга эга чиқди.

Япония мезбонлигида ўтаётган Осиё ўйинларида Ўзбекистон делегацияси учун сермаҳсул ўтмоқда.

Спорт гимнастикаси бўйича Ўзбекистон жамоаси аъзоси Ўткирбек Жўраев ҳам делегацияга навбатдаги олтин медални тақдим қилди. Дастакли от машқида иштирок этган ушбу спортчи 14.733 балл билан энг яхши натижани қайд этди. Бу делегация учун кун давомида қўлга киритилган тўртинчи, турнир бошидан буён бешинчи олтин медалга айланди.

Қиличбозлик бўйича Ўзбекистон жамоаси аъзоси, 2023 йилги Осиё ўйинлари ғолиби бўлган Зайнаб Дайибекова эса кумуш медал билан кифояланди.

У ўз иштироки давомида гуруҳ босқичида Қозоғистон, Тожикистон, Эрон, Таиланд, Ҳиндистон ва Жанубий Корея вакилларини мағлуб этди, нимчорак финалда яна эронлик Нажмиа Сазанжиёнга қарши кураш олиб борди ва яна осонлик билан ғалаба қозонди (15:2), чоракфиналда эса ўз жамоадоши Гулистан Пердебаевадан устун келди (15:14), яримфиналда хитойлик Пан Химиаога имконият қолдирмади (15:8), аммо финал баҳсида икки карра жаҳон чемпиони, япониялик Мисаки Эмурага 14:15 ҳисобида имкониятни бой бериб қўйди.

Ўзбекистон делегацияси кун давомида ҳозирча 16 та медал олди: 5 та олтин, 8 та кумуш ва 3 та бронза.

Жами медаллар сони: 6 та олтин, 12 та кумуш ва 8 та бронза.