211 марта қоида бузган Tracker ушланди
Автомашинага 137 млн сўмлик маъмурий жарима қўлланилган. Қидирув давомида улов топилиб, жарима майдончасига жойлаштирилди.
Бухорода 211 марта қоида бузган Tracker ушланди.
Мажбурий ижро бюроси Бухоро вилояти бошқармаси қидирув шўъбаси ҳамда вилоят ИИБ ЙҲХБ ходимлари билан ҳамкорликда махсус рейд тадбирлари ўтказилмоқда.
Тадбирлар давомида 2,6 млрд сўмлик 114 та ижро ҳужжатлари бўйича қарздорлар номидаги 98 та автотранспорт воситалари жарима майдончаларига жойлаштирилиб, 70 та 741 млн сўмлик ижро ҳужжатлар ижроси амалда таъминланди.
Маъмурий жарималарни ундириш тўғрисидаги ижро ҳужжатлар таҳлил қилиниб, маҳалла кесимида манзилли ишлар олиб борилмоқда.
Мисол учун, Ромитан туманида яшовчи фуқаро ўзига тегишли “TRACKER 2” автотранспорт воситасини йўл ҳаракати қоидаларига риоя қилинмасдан бошқариши оқибатида 211 та 137 млн сўмлик маъмурий жарима қўлланилган.
Қидирув тадбирлари давомида қидирувдаги автомашина топилиб, вақтинча сақлаш учун жарима майдончасига жойлаштирилган.
