Трамп Хитойга жиддий айблов қўйди

АҚШ президенти Доналд Трамп халққа қилган мурожаатида Хитойга жиддий айблов қўйди.

АҚШ раҳбари 2020 йилдан бери Хитой "тарихдаги энг катта сайлов маълумотларининг бузилиши" деб атаган ишни амалга оширганини таъкидлади. Унинг таъкидлашича, Пекин 220 миллион америкалик сайловчилар ҳақида маълумотларни ноқонуний равишда олган.

The New York Times газетаси Америка сайловчилари рўйхати оммага очиқ эканлигини таъкидлайди.

"Мен овоз бериш инфратузилмамизнинг ҳайратланарли заифликларини очиб берадиган муҳим разведка маълумотларини дарҳол махфийлаштиришни эълон қиляпман. Бу далиллар бизнинг сайлов тизимимиз хакерлик, суиистеъмол қилиш ва хорижий аралашувларга нисбатан ҳар қачонгидан ҳам кўпроқ заиф эканлигини кўрсатади", деб қўшимча қилди Трамп.

АҚШ президенти Россия, Хитой, Эрон, Шимолий Корея ва нодавлат субъектларини сайлов тизимига асосий таҳдидлар сифатида тилга олди. Унинг таъкидлашича, улар "АҚШ сайлов инфратузилмасини бузиш" қобилиятига эга.

Доналд Трамп шунингдек, Миллий разведка бошқармаси, Адлия вазирлиги, ФҚБ ва Марказий разведка бошқармасига "муҳим маълумотлар қандай ва нима учун ошкор қилинганлигини текширишни" буюрди.

У маълумотлар сизиб чиқишини яширганликда айбдорларни ишдан бўшатишни ва агар асосли бўлса, жиноий жавобгарликка тортилишини талаб қилди.