АҚШда ўзбекистонлик ҳайдовчи иштирокидаги ЙТҲда спортчи ҳалок бўлди
Огайо штатида юк машинасини бошқараётган 42 ёшли Ўзбекистон фуқароси 21 ёшли дарвозабон Тобиас Форсайтнинг машинаси билан тўқнашди.
АҚШда Ўзбекистон фуқароси бошқарган юк машинаси ЙТҲ содир этди, натижада бир нафар спортчи ҳалок бўлди.
АҚШнинг Огайо штатида юк машинасини бошқараётган 42 ёшли Ўзбекистон фуқароси 21 ёшли дарвозабон Тобиас Форсайтнинг машинаси билан тўқнашди. Ёш футболчи бахтсиз ҳодисада ҳалок бўлди.
Тергов маълумотларига кўра, бахтсиз ҳодисадан сўнг ҳайдовчи далилларни йўқ қилиш мақсадида телефонлари, видеокамералари ва бошқа электрон қурилмаларини синдириб ташлаган. Полиция у билан Гугл Таржимон орқали боғланишга мажбур бўлди.
Ҳодисадан сўнг, АҚШ транспорт вазири юк машиналари ҳайдовчилари йўл белгиларини тушуниши ва етарли даражада инглиз тилини билиши кераклигини айтди.
Мамлакат шунингдек, тил талабларини кучайтирмоқда ва ҳайдовчиларни кузатиб бормоқда.
