Таиланд Ўзбекистон фуқаролари учун визасиз режимни бекор қилади
15 июлдан кириш учун Таиланд электрон виза тизими орқали онлайн ариза топшириш керак бўлади.
Таиланд билан амалдаги визасиз режим бекор қилинади.
Ўзбекистон фуқаролари 2026 йил 15 июлдан бошлаб Таиландга кириш учун визага эга бўлишлари керак бўлади.
Таиланд ҳукумати визасиз кириш тартиби ва келиш вақтида виза (VOA) тизимига киритилган ўзгартиришларни маъқуллади. Янги қоидаларга кўра, Ўзбекистонни ҳам ўз ичига олган 93 мамлакат фуқаролари учун 60 кунлик визасиз режим бекор қилинади.
Қарор давлат Royal Gazette газетасида расмий эълон қилинганидан 15 кун ўтгач кучга киради.
Янги тартиб бўйича, Ўзбекистон фуқаролари энди Таиландга визасиз кира олмайдилар. Кириш учун улар Таиланд электрон виза тизими орқали онлайн ариза топширишлари керак бўлади.
