25 майдан Президент мактабларига қабул бошланади
Ҳужжат топшириш 14 июнга қадар онлайн шаклда амалга оширилади.
Ихтисослаштирилган таълим муассасалари агентлиги тизимидаги Президент мактабларига 2026/2027-ўқув йили учун ҳужжатлар қабули 25 майдан – 14 июнга қадар топширилади.
Ҳужжат топшириш онлайн шаклда my.gov.uz ҳамда ariza.piima.uz сайтлари орқали амалга оширилади.
Президент мактабларига қандай ҳужжатлар талаб этилади?
Президент мактабларига ариза топшириш учун ўқувчиларнинг:
-охирги 2 ой давомида тушган фотосурати,
-туғилганлик ҳақида гувоҳномаси (яъни метрикаси),
- тегишли ўқув йили натижаларига кўра баҳолар табелининг мактаб директори томонидан тасдиқланган нусхаси ёки ҚР-код билан тасдиқланган электрон табел,
- ота-онаси (қонуний вакили)нинг фуқаролик паспорти маълумотлари,
- боғланиш учун телефон рақамлари талаб қилинади.
Талабгорнинг баҳолар табелидаги математика ва табиатшунослик фанларидан 4-синфдаги йиллик баҳолари “5” (аъло) бўлиши лозим.
Президент мактабларига нечанчи синфдан қабул қилинади?
Президент мактабларига 4-синфни тугатган ўқувчилар 5-синфга қабул қилинади.
