Президент Москвада қатор давлат раҳбарлари билан учрашди
Улар орасида Словакия Бош вазири Роберт Фицо, Малайзия Подшоҳи Султон Иброҳим ва Лаос Президенти Тхонглун Сисулит ва бошқалар бор.
Президент Москвада қатор давлат раҳбарлари билан учрашув ўтказди.
Президент Шавкат Мирзиёевнинг Москвага ташрифи доирасидаги тадбирлар якунига етди.
Давлат раҳбарининг ушбу тантанали маросимда иштироки умумий Ғалабани таъминлашга муносиб ҳисса қўшган миллионлаб инсонлар хотирасига ҳурмат ифодаси бўлди.
Шу билан бирга, Президентимизнинг хорижий ташрифлари нафақат халқаро тадбирларда иштирок этиш, балки хорижий етакчилар билан икки томонлама кун тартибидаги масалаларни муҳокама қилиш учун ҳам муҳим имкониятдир.
Хусусан, Президент Шавкат Мирзиёев Россия Президенти Владимир Путин билан бирга Қозоғистон Президенти Қосим-Жўмарт Тўқаев, Беларус Президенти Александр Лукашенко, Словакия Бош вазири Роберт Фицо, Малайзия Подшоҳи Султон Иброҳим ва Лаос Президенти Тхонглун Сисулит билан ҳам суҳбатлар ўтказди.
Сўнгра, президент Ўзбекистонга қайтиб келди.
