Хитойда фейервейк фабрикаси портлади, 26 киши ҳалок бўлди
Хитой етакчиси Си Цзинпин ҳодиса сабаб тергов ўтказишни буюрди. Корхона раҳбари қўлга олинган.
Хитойнинг марказий қисмидаги фейервейк фабрикасида содир бўлган портлаш 26 кишининг ҳаётига зомин бўлди ва 61 киши жароҳат олди. Бу ҳақда маҳаллий Синхуа ахборот агентлиги хабар берди.
Портлаш Хунан провинциясининг Чангша округи таркибига кирувчи Лиуянг шаҳридаги Ҳуашенг заводида содир бўлди. Воқеа жойига 480 дан ортиқ қутқарувчи, жумладан, учта қутқарув роботи юборилди. Воқеа жойи иккита қора кукун омбори яқинида жойлашганлиги сабабли, қутқарувчилар яқин атрофдаги аҳолини эвакуация қилишди ва яна бир портлашнинг олдини олиш учун буфер зонасини яратдилар.
Хитой етакчиси Си Цзинпин бедарак йўқолганларни қидириш ва ярадорларни қутқариш учун саъй-ҳаракатларни талаб қилди.
Шунингдек, у тергов ўтказишни талаб қилди. Компания раҳбари аллақачон полиция томонидан ҳибсга олинган. Портлаш сабаби ҳали аниқланмаган.
