Бекмурод Абдуллаев гаров эвазига қўйиб юборилди
Ички ишлар вазири собиқ ўринбосари ўтган йил ноябрда ишдан олинган, кейинроқ бюджет пулларини талон-торож қилганликда айбланиб қамалганди.
Ички ишлар вазири собиқ ўринбосари Бекмурод Абдуллаев етказилган 200 млрд сўмдан ортиқ зарарни нақд пул шаклда тўлаб берганидан сўнг қамоққа олиш эҳтиёт чораси гаровга ўзгартирилган. Бу ҳақда Platina.uz манбаси тасдиқлади.
Жазони ижро этиш департаменти собиқ бошлиғи, Бекмурод Абдуллаев билан бир вақтда ишдан олинган ва терговга жалб этилган Рустам Турсунов ҳамон қамоқда қолаётгани айтилган.
Эслатиб ўтиш керак, Бекмурод Абдуллаев ва Рустам Турсунов ўтган йил ноябрда ишдан олинган, тизимдаги давлат харидларида 186 миллиард сўм бюджет маблағини ўзлаштирганликда айбланмоқда.
