Тошкентдаги бозорда йирик ёнғин чиқди
Олов салкам 3 соатда ўчирилган. Воқеа жойига Фавқулодда вазиятлар вазири ҳам етиб борган.
Бугун, 5 апрел куни Чилонзор тумани Тошкент катта халқа автомобил йўли кўчасида жойлашган "Бешқўрғон" бозорида йирик ёнғин чиққан.
Ёнғин салкам 3 соатда ўчирилган. Воқеа жойига Фавқулодда вазиятлар вазири Азиз Икромов ҳам етиб борган.
Вазирликнинг ишонтиришича, ёнғин оқибатида тан жароҳати олганлар тўғрисида хабар келиб тушмаган.
Айни пайтда ёнғин сабаби ва зарари аниқланмоқда.
