Ню-Йорк аэропортида самолёт ўт ўчириш машинаси билан тўқнашди
Натижада икки учувчи ҳалок бўлган. Капитан ва иккинчи учувчи оғир аҳволда қолмоқда.
23 март куни Ню-Йорк аэропортида самолёт ўт ўчириш машинаси билан тўқнашиб кетди. Ҳодиса сабаб қурбонлар ва жабрланганлар борлиги ҳақида хабар берилган. Ҳозирда аэропортда учиш ва қўниш тақиқланган.
Ню-Йоркдаги ЛаГуардиа аэропортида Air Canada Express CRJ-900 йўловчи самолёти ўт ўчириш машинаси билан тўқнашди. NBC News манбаларга таяниб хабар беришича, икки учувчи ҳалок бўлган.
Хабарларга кўра, капитан ва иккинчи учувчи оғир аҳволда.
АҚШ Федерал авиация маъмуриятининг хабар беришича, ҳозирда аэропортда учиш ва қўниш тақиқланган. Flightradar хабар беришича, 18 та рейс аллақачон бошқа аэропортларга йўналтирилган.
Air Canada Express бренди остида фаолият юритувчи Jazz Aviation LP матбуот хизматининг маълумотларига кўра, бортда 72 йўловчи ва тўртта экипаж аъзоси бўлган. Юк машинасидаги тўртта ўт ўчирувчи жароҳат олган.
Оммавий ахборот воситаларида эълон қилинган кадрларга қараганда, самолётнинг бурнидан фақат металл уюм қолган. Таъкидлаш керакки, Монреал-Ню-Йорк-Лос-Анжелес рейси икки двигателли Bombardier SRJ-900 самолёти томонидан амалга оширилади.
