"Ўзбекгидроэнерго" кузатув кенгашида ўзгаришлар бўлди
3 мансабдорнинг ваколатлари муддатидан олдин тугатилди, уларнинг ўрнига икки нафар чет эллик мутахассис мустақил аъзо сифатида сайланди.
"Ўзбекгидроэнерго" АЖ кузатув кенгашида ўзгаришлар бўлди. Бу ҳақдаги йиғилиш баённомаси 13 март куни имзоланган.
Жумладан, қуйидаги аъзоларнинг ваколатлари муддатидан олдин тугатилди:
- Мустафоев Кувончбек Мухтор ўғли – Иқтисодиёт ва молия вазирлигининг саноат сиёсатини амалга ошириш департаменти директори ўринбосари;
- Ходжаев Шерзод Хикматуллаевич – Энергетика бозорини ривожлантириш ва тартибга солиш агентлиги директори;
- Шукуров Беҳруз Комилжон ўғли – Иқтисодиёт ва молия вазирлигининг давлат иштирокидаги корхоналарда корпоратив бошқарув бошқармаси бош мутахассиси.
Кузатув кенгашига қуйидагилар 3 йил муддатга сайланди:
- Миралиев Алишер Эркинович – Давлат активларини бошқариш агентлиги директори ўринбосари;
- Какурин Никита Иванович – Franklin Templeton Asset Management компаниясининг катта инвестицион менежери (мустақил аъзо);
- Мартин Бернштеин – Amber Hill Capital (АҚШ) компаниясининг бошқарувчи ҳамкори (мустақил аъзо).
Эслатиб ўтиш керак, Абдураҳмонов Ислом Абдуғаниевич "Ўзбекгидроэнерго" АЖ бошқаруви раиси лавозимига тайинланганди.
"Ўзбекгидроэнерго" АЖ собиқ раиси Сангинов Абдуғани Абдураҳмонович "Ўзбекнефтгаз" раҳбари этиб тайинланганди.
