“Ўзбекнефтгаз” раҳбарининг икки ўринбосари ишдан кетди
Ҳар иккала истеъфо орасидаги фарқ деярли бир ойни ташкил қилади, аммо компания бу ҳақда шу вақтгача расмий хабар бермаган.
“Ўзбекнефтгаз” АЖ бошқарувида икки нафар ўринбосар ишдан кетгани маълум бўлди.
Раиснинг қурилиш ва транспорт бўйича ўринбосари Юлдашев Ғайрат Абдуллаевич 19 январда, режим ва кадр масалалари бўйича ўринбосари Ҳакимов Қаҳрамон Норбўта ўғли 16 февралда лавозимидан озод этилган.
Шунингдек, “Ўзбекнефтгаз” кузатув кенгаши аъзоси Мухутдинов Нодир Убайдуллаевичнинг ваколати ҳам тугатилди.
Ўтган йили декабрда “Ўзбекнефтгаз” бошқарувига Абдуғани Сангинов раҳбар этиб тайинланган эди.
