“Ўзбекнефтгаз” АЖ бошқаруви раисига янги ўринбосарлар тайинланди
Суҳроб Ҳамроев бошқарув раисининг молия, трансформация ва хусусийлаштириш бўйича биринчи ўринбосари бўлди.
“Ўзбекнефтгаз” АЖ бошқаруви раисига янги ўринбосарлар тайинланди.
Суҳроб Ҳамроев “Ўзбекнефтгаз” АЖ бошқарув раисининг молия, трансформация ва хусусийлаштириш бўйича биринчи ўринбосари лавозимига тайинланди. У турли йилларда вазирлик ва республика даражасидаги давлат идоралари, эксперт агентликлари ҳамда нефт-газ ва энергетика соҳаларида масъул лавозимларда фаолият юритган.
Аброржон Худойберганов “Ўзбекнефтгаз” АЖ бошқарув раисининг қайта ишлаш бўйича ўринбосари лавозимига тайинланди. У меҳнат фаолиятини қурилма кузатувчиси лавозимидан бошлаб, босқичма-босқич масъул ва раҳбарликгача самарали фаолият олиб борган.
Бироз аввал “Ўзбекнефтгаз” раҳбарининг икки ўринбосари ишдан кетгани хабар қилинганди.
