“Новза” метроси яқинидаги савдо мажмуасида ёнғин кузатилди
Ҳодиса сабаб вафот этган ва жароҳатланганлар йўқ.
“Новза” метроси яқинидаги савдо мажмуасида ёнғин кузатилди.
Тошкент шаҳар “Новза” метро яқинидаги савдо мажмуасининг том қисмида ёнғин содир бўлганлиги тўғрисида пойтахт ФВБга хабар қилинган.
Шунга кўра, қутқарув бўлинмалари воқеа жойига етиб бориб, бинодан барча фуқаролар эвакуация қилинган ва ёнғин соат 18:19 да ўчирилди, дейилади ФВБ хабарида. Ҳодиса сабаб вафот этган ва жароҳатланганлар йўқ.
Эслатиб ўтамиз, 31 январ куни "Авиатор" мажмуасида,сўнгра Ангрендаги уйда ёнғинда бир киши вафот этганди.
Шундан сўнг ФВВ савдо мажмуаларини текшира бошлади.