Тошкент-Чорбоғ йўлининг айрим қисмларида ҳаракат 80 км/соатгача чекланади
Ушбу йўлдаги ЙТҲларда ўтган йили 15 нафар фуқаро вафот этган ва 50 нафар фуқаролар тан жароҳати олган.
Тошкент-Чорбоғ йўлининг айрим қисмларида ҳаракат 80 км/соатгача чекланади.
Бу ҳақда Тошкент вилояти Халқ депутатлари Кенгашининг 2026 йил 2 февралдаги қарорида айтилади.
Қарорда Чорбоғ йўналишидаги йўлларда ҳаракатланиш тезлигини чеклаш бўйича муҳим ўзгаришлар белгиланган.
Айтилишича, Тошкент вилояти ҳудудида жойлашган давлат аҳамиятига эга “Бектемир ш.-Чирчиқ ш.-Ғазалкент ш.-Чорбоғ қўрғони” автомобил йўлининг 19-74 километрлари оралиғида белгиланган тезликка амал қилмаслик оқибатида 2025 йил 12 ойи давомида жами 63 та йўл-транспорт ҳодисаси содир этилган.
Натижада 15 нафар фуқаро вафот этган ва 50 нафар фуқаролар тан жароҳати олган.
Ҳужжатга кўра, 4R-12 "Бектемир ш. - Чирчиқ ш. - Ғазалкент ш. - Чорбоғ қўрғони" автомобил йўлининг аҳоли яшаш жойларидан ташқари бўлган 6 та қисмида юқори тезлик 80 км/соат этиб белгиланди (илгари 100 км/соат бўлган).
Чеклов ўрнатилган асосий нуқталар:
Юқори Чирчиқ тумани: 19-20 км оралиғи (Бектемир ва Чирчиқ орасида).
Бўстонлиқ тумани: * 44-45 км оралиғи;
49-50 км оралиғи;
52-53 км оралиғи;
61-62 км оралиғи;
64-65 км оралиғи;
71-74 км (Ғазалкентдан ўтиб Чорбоғ томонга кетишда).
