Педофиллар бир умрга қамалиши мумкин
Сўнгги пайтларда ушбу жиноятчилар қамоқдан бир неча йилда чиқиб ёки қочиб кетиб, айни шу жиноятини қайта содир этиши кўпайиб кетди.
2026 йилги давлат дастури лойиҳасига кўра, 14 ёшга тўлмаганларга нисбатан жинсий жиноятлар учун умрбод озодликдан маҳрум этишгача бўлган жазо белгиланиши кутилмоқда.
Шунингдек:
- вояга етмаганларга оид жинсий зўравонлик ишлари прокуратура ваколатига ўтади;
- бундай ишлар билан махсус тайёргарликдан ўтган терговчи ва судялар шуғулланади;
- ёш никоҳ ва ноқонуний никоҳни тарғиб қилиш учун жавобгарлик кучайтирилади.
Мазкур нормалар 2026 йил 1 апрелдан кучга кириши режалаштирилган.
Аввалроқ Наманган ва Оҳангаронда педофиллар 18 йилга озодликдан маҳрум этилганди.
Оҳангаронда бир маҳбус қамоқдан қочиб кетиб, ёш қизчани зўрлаган эди. Наманганда эса бошқа бир педофил учинчи марта шу жиноятга қўл урганди.