Қорақалпоғистонда аёл поезд остида қолиб кетди
Ҳодиса 22 январ куни Гидроузел ва Нукус станциялари оралиғида содир бўлган.
Қорақалпоғистонда аёл поезд остида қолиб кетди. Бу ҳақда "Ўзбекистон темир йўллари" хабар берди.
2026 йил 22 январ куни Гидроузел ва Нукус станциялари оралиғида аёл киши темир йўлни ўтиш учун мўлжалланмаган жойдан кесиб ўтмоқчи бўлган ва йўловчи поезди остига қолиб кетган.
"Жабрланувчи йўл ҳаракати қоидаларини бузиб, ўз хавфсизлигига эътибор бермади. Масъул хизматлар ҳодиса тафсилотларини текширмоқда.
"Ўзбекистон темир йўллари" АЖ фуқароларга темир йўлларни кесиб ўтишнинг белгиланган меъёрларига риоя қилиш муҳимлигини эслатиб ўтади", дейилади хабарда.