УЕФА Исроилни мусобақалардан четлатиш бўйича ўрганиш бошлади

УЕФА Исроилни футбол мусобақаларидан четлатишни ўрганишмоқда.

70 дан ортиқ спортчи Исроилни инсониятга қарши жиноятлар содир қилганликда айблаб, мусобақалардан четлатишни талаб қилиб чиқди. Улар орасида машҳур футболчилар: Пол Погба, Ҳаким Зиеч, Ҳамза Чоудҳури ва бошқалар ҳам бор.

УЕФА раҳбарлари Ғазо билан ўт очишни тўхтатиш бўйича келишувдан кейин ҳам Исроилни халқаро мусобақалардан четлаштириш масаласида Фаластин тарафдори билан учрашувлар ўтказганини маълум қилди.

The Athletic нашри хабар беришича, УЕФА сентябр ойида Исроилни иштирокдан четлатиш бўйича овозга қўйиш арафасида бўлган, бироқ якунда АҚШ воситачилигида Исроил ва ҲАМАС ўртасида ўт очишни тўхтатиш келишуви имзоланганидан сўнг масалани овозга қўймасликка қарор қилинган эди.

Бироқ, сулҳга қарамай, УЕФА расмийлари Европа футбол федерацияларини Исроилни бойкот қилишга чақираётган ташкилотлар ва мухлислар гуруҳлари билан учрашувларни давом эттирган. Учрашувларда тақиқни қандай жорий этиш мумкинлиги бўйича механизмлар муҳокама қилинган.

Маълумотларга кўра, УЕФА ижро қўмитаси Исроилни мусобақалардан четлаштириши эҳтимолдан йироқ бўлса-да, ташкилот Ирландия ва Швейцарияда давом этаётган иккита ҳуқуқий жараённи диққат билан кузатмоқда. Бу жараёнлар УЕФАни Исроилга нисбатан тақиқ жорий қилишга мажбур қилиши мумкин.

Маълумот ўрнида, Швейцария ва Ирландияда Исроил футбол клубларига нисбатан бойкот қилиш бўйича қонуний петициялар давом этмоқда.

Ўтган ой, 70 дан ортиқ таниқли спортчилар УЕФАдан Исроилни четлаштиришни талаб қилган мактубга имзо чекди. УЕФА президенти Александр Чеферинга юборилган мактуб “Athletics for peace” гуруҳи томонидан бошланган бўлиб, имзо чекканлар УЕФАнинг Исроилни Европа футболидан четлаштириш бўйича ҳеч қандай чоралар кўрмаётганидан чуқур норози эканини билдирган.

Имзо чекканлар орасида "Монако" ярим ҳимоячиси, Франция ва "Манчестер Юнайтед" собиқ юлдузи Пол Погба, "Кристал Пэлас" футболчиси Чеиcк Доуcоурé, собиқ футболчилар Анвар Эл Ғози, Ҳамза Чоудҳури ва Ҳаким Зиеч, шунингдек мураббий Нигел Пирсон бор. Ҳаким Зиеч ҳам рўйхатга қўшилган ва яқин кунларда имзо сони ортиши кутилмоқда.

“Минглаб бегуноҳ одамларни ўлдираётган, геноцид ва бошқа инсониятга қарши жиноятлар содир этаётган режим халқаро жамоатчиликда ҳеч қандай стадион, саҳна ёки майдонда муносиб жойга эга бўлиши мумкин эмас” — дейилади мактубда.

Сентябр ойида БМТ томонидан тайинланган экспертлар гуруҳи мустақил тергов комиссияси хулосаларига асосланиб, Ғазода геноцид содир этилаётганини ва бунинг учун Исроил жавобгар эканини айтганди. Улар ФИФА ва УЕФАни Исроилни футболдан четлаштиришга чақирган эди.