Жануби-шарқий Осиёда мисли кўрилмаган ёғинлар 400 нафардан ошиқ кишининг умрига зомин бўлди

Жануби-шарқий Осиёда рекорд ёғингарчилик ва бўронлар оқибатида 400 дан ортиқ киши ҳалок бўлди.

Индонезия, Таиланд ва Шри-Ланкада тропик бўронлар ва муссон ёғингарчилиги сабабли юзлаб одамлар ҳалок бўлди, минглаб уйлар сув остида қолди, миллионлаб одамлар эвакуация қилинди. Ҳукуматлар ёрдам чораларини амалга оширмоқда.

Тропик бўронлар билан кучайган муссон ёғингарчилиги Жануби-Шарқий Осиёда сўнгги йилларнинг энг ёмон сув тошқинларига сабаб бўлди.

Малайзия ва Таиландда юзлаб одам ҳалок бўлган ёки йўқолган, минтақа бўйлаб миллионлаб одамлар ҳодисадан бевосита азият чекди.

Индонезияда сув тошқинлари ва кўчкилар оқибатида 400 дан ортиқ одам ҳалок бўлган. Расмий маълумотларга кўра, Суматра оролидаги офатлар натижасида вафот этганлар сони кескин ошиб, 442 кишига етди.

30 ноябр куни эрталаб жами ҳалок бўлганлар сони 300 дан ошди, эвакуация ишлари давом этмоқда, асосий йўллар узилган, интернет ва электр фақат қисман тикланган.

Расмий маълумотларга кўра, Таиландда ҳозирги ўлимлар сони 170 нафарни ташкил этади, Малайзия шимолидаги Перлис штатида эса 2 киши ҳалок бўлган.

Бошқа жойларда, Шри-Ланкада экстремал об-ҳаво туфайли деярли 160 киши ҳалок бўлган, сув тошқинлари ва кўчкилар юз берган.

Тропик бўрон Индонезиядаги фожиали кўчкилар ва сув тошқинларига сабаб бўлди. Маълумотларга кўра, у ердаги уйлар ювилиб кетган ва минглаб бинолар сув остида қолган.

"Ёмон об-ҳаво қутқарув ишларига тўсқинлик қилмоқда ва ўн минглаб одамлар эвакуация қилинган бўлса-да, юзлаб одамлар ҳали ҳам қамалиб қолган" - деди Индонезия фавқулодда вазиятлар агентлиги.

Энг кўп зарар кўрган Тапанули ҳудудида озиқ-овқат излаб дўконлар талон-торож қилинган.

Таиланднинг жанубий Сонгкҳла провинциясида сув 3 метрга кўтарилиб, сўнгги ўн йилликдаги энг ёмон сув тошқинларидан бирида камида 145 киши ҳалок бўлган.

Сув тошқинидан оқибатида 10 вилоят бўйлаб 3,8 миллиондан ортиқ одамлар зарар кўрган.

Ҳат Яи шаҳрида ўтган ҳафта бир кун ичида 335 мм ёғингарчилик тушди – бу охирги 300 йилликдаги энг баланд кўрсатгич. Сув кетгач, расмийлар ўлимлар сонининг кескин ошганини қайд этдилар.

Ҳат Яи шаҳридаги бир касалхонада, морг даҳшатли ҳолга келгани сабабли ходимлар жасадларни музлатилган юк машиналарига кўчиришга мажбур бўлди, деб хабар беради AFP агентлиги.

Ҳат Яи шаҳридаги ҳодисадан азият чекканлардан бири Тҳанита Кҳиавиахом "Биз сув ичида етти кун қолдик ва ҳеч қандай агентлик ёрдамга келмади" - дейди.

Ҳукумат ёрдам чораларини ваъда қилган, шу жумладан оиласи аъзоларини йўқотган уй хўжаликлари учун икки миллион баттгача ($62,000) компенсатсия ажратилади.

Қўшни Малайзияда ўлимлар сони анча кам, лекин зарар кўлами жуда катта.

Осиёда бошқа жойларда Шри-Ланка циклон таъсирида азоб чекмоқда, Фавқулодда вазиятлар бошқармасига кўра, камида 193 киши ҳалок бўлган ва 200 дан ортиқ киши йўқолган.

Шри-Ланка сўнгги йиллардаги энг ёмон об-ҳаво офатларидан бирини бошдан кечирмоқда ва ҳукумат фавқулодда ҳолат эълон қилган.

Расмийларга кўра, 15,000 дан ортиқ уй вайрон бўлган ва 78,000 дан ортиқ одам вақтинчалик бошпана топишга мажбур бўлган. Улар шунингдек, мамлакатнинг учдан бир қисми электр ва сув таъминотисиз қолганини маълум қилишди.

Экстремал об-ҳаво ҳодисаларини иқлим ўзгариши билан бевосита боғлаш қийин бўлса-да, олимлар айтишича, иқлим ўзгариши бўронларни кўпроқ ва кучлироқ қилмоқда, натижада ёғингарчилик кўпайиб, сув тошқинлари ва кучли шамоллар юзага келмоқда.