АҚШда карфентанил қурбонлари сони ошмоқда
Бу модда морфийнинг 10,000 баробарига ва фентанилнинг 100 баробарига тенг кучга эга.
АҚШ соғлиқни сақлаш мутасаддилари Мидланд округи аҳолисини яна пайдо бўлаётган карфентанил гиёҳвандлик воситасидан огоҳлантирмоқда. Бу модда морфийнинг 10,000 баробарига ва фентанилнинг 100 баробарига тенг кучга эга.
Карфентанил аслида фақат йирик ҳайвонлар (масалан, фил ва каркидон) учун ишлаб чиқилган бўлиб, инсон ҳаёти учун хавфли моддадир.
Жорий йилнинг дастлабки ярмида Мичиган штатида карфентанил билан боғлиқ 11 та ўлим ҳолати қайд этилган. Кўпчилик ҳолларда карфентанил бошқа моддалар – кокаин, бензойлекгонин ва фентанил билан бирга аниқланган.
Мутахассисларнинг айтишича, ушбу модданинг ноқонуний наркотиклар орасида тарқалиши дозадани ошириб юбориш ва ўлим ҳолатларининг ортишига олиб келиши мумкин, ҳатто опиоидларга юқори чидамлилиги бўлган одамлар орасида ҳам хавф юқори.
Ҳозирча Мидланд округида карфентанил билан боғлиқ ҳолатлар аниқланмаган, аммо расмийлар бу модда инсон ҳаёти учун жуда хатарли эканини таъкидламоқда.