АҚШ компаниялари Буюк Британия иқтисодиётига 42 млрд доллардан ошиқ сармоя киритади

Буюк Британия ва АҚШ сунъий интеллект ва квант технологияларини ривожлантириш ва атом энергетикаси соҳасидаги ҳамкорликни ўз ичига олган "технологик фаровонлик келишуви" тўғрисида келишиб олди. Бу ҳақда Reuters хабар бермоқда.

Буюк Британия бош вазири девонхонаси баёнотида бу ҳақда гап боради.

Ҳужжатга кўра, эришилган келишувлар Американинг Microsoft, Nvidia, Google ва OpenAI компаниялари томонидан Британия иқтисодиётига 31 миллиард фунт стерлинг (42,3 миллиард доллар) сармоя киритилишига олиб келади.

Қайд этилишича, келишув натижасида 2026 йил охиригача 120 минг Nvidia график процессорини олгандан сўнг, Буюк Британия Европадаги энг йирик шундай кластерга эга бўлади. Буюк Британия иқтисодиётига энг катта сармоя Microsoft томонидан амалга оширилади, у тўрт йил давомида сунъий интеллект технологиялари билан боғлиқ инфратузилмага 30 миллиард доллар сармоя киритади.

Жумладан, 23 минг микросхемалар асосида мамлакатнинг энг йирик суперкомпютерини яратилади.

Google, ўз навбатида, 5 миллиард фунт стерлинглик сармоя доирасида Лондон яқинидаги Walpham Crossʼда маълумотлар марказини очади. Корпорация сармояси Буюк Британияда 15 мингга яқин иш ўрни яратиши кутилмоқда.

"Ушбу техника фаровонлик тўғрисидаги битим Атлантика океанининг ҳар икки томонидаги миллионлаб одамларнинг келажагини белгилаб берувчи ва бутун мамлакат бўйлаб ўсиш, хавфсизлик ва имкониятларни тақдим этувчи АҚШ билан муносабатларимизда авлодлар алмашинувини кўрсатади", деди бош вазир Кир Стармер.

Унинг сўзларига кўра, бу икки давлатга “эртага технология соҳасида глобал етакчига айланиш” имконини беради.

Трамп ва унинг рафиқаси Лондонга чоршанба куни кечқурун етиб келди. Улар қирол Чарлз III нинг таклифига биноан Буюк Британияга икки кунлик давлат ташрифини бошламоқда.