Намангандаги темир йўл кесишмасида ЙТҲ: олти киши ҳалок бўлди
"Жентра" автомобили яқинлашиб келаётган поезд олдидан темир йўлни кесиб ўтишга уринган. Машинистлар шошилинч тормозни қўллашган, аммо бу фойда бермаган.
Наманганда темир йўл кесишмасидаги ЙТҲ сабаб олти киши ҳалок бўлди.
2025 йил 13 сентябр куни Чортоқ ва Уйчи бекатлари ўртасидаги қўриқланмаган темир йўл кесишмасида ЙТҲ содир бўлди. Бу ҳақда "Ўзбекистон темир йўллари" хабар берди.
"Жентра" автомобили ҳайдовчиси йўл ҳаракати қоидаларини қўпол равишда бузган ҳолда, яқинлашиб келаётган поезд олдидан темир йўлни кесиб ўтишга уринган.
Маълумотларга кўра, машинада олти киши бўлган: беш аёл ва кичик бола. Кучли тўқнашув натижасида машинада ҳеч ким омон қолмаган.
Поезд машинистлари шошилинч тормозни қўллашди, аммо фожианинг олдини олишнинг иложи бўлмади. Поездга озгина зарар етган.
Ушбу ҳодиса ҳайдовчиларнинг асосий хавфсизлик стандартларига риоя қилмаслиги масаласини яна бир бор кўтаради, дейилади хабарда.
Эслатиб ўтамиз, ўтган ҳафта Ангрендаги ЙТҲда 11 киши ҳалок бўлганди.