Ислом цивилизацияси марказида ёнғин рўй берди
Ёнғин натижасида тан жароҳати олганлар йўқлиги айтилмоқда.
Тошкентдаги Ислом цивилизацияси маркази ҳудудида ёнғин юз берди. ФВВ ҳодиса тафсилотларини тақдим этди.
Гап нима ҳақида?
19 август куни Тошкент шаҳар, Олмазор тумани, Зарқайнар кўчасида жойлашган Ислом цивилизацияси маркази ҳудудида қурилиш маҳсулотлари ёнаётганлиги тўғрисида пойтахт ФВБга хабар келиб тушган.
Шунга кўра, айтилган манзилда навбатчиликда турган ва бошқа ёрдамга етиб борган ёнғин қутқарув экипажлари томонидан, ёнғинни ўчириш ишлари амалга оширилмоқда.
Ёнғин натижасида тан жароҳати олганлар тўғрисида хабар келиб тушмаган.
Қўшимча маълумот тақдим этилади, дея таъкидланади ФВБ хабарида.
Аввалроқ Кўкдалада заправка портлаган ва бир киши жабрланганди.