Uzbekistan Airways Тошкентдан Андижонга парвозларни қайта йўлга қўяди
Андижон аэропорти 2023 йил апрелда реконструкцияга ёпилганди. Шу йилнинг март ойида аэропорт биринчи техник рейсни қабул қилди.
9 августдан бошлаб Uzbekistan Airways Тошкент – Андижон – Тошкент йўналиши бўйича мунтазам авиақатновларни йўлга қўяди. Бу ҳақда компания матбуот хизмати хабар берди.
Парвозлар чоршанба ва шанба кунлари Airbus A320 ҳаво кемаларида амалга оширилади.
- Бир томонга: 248 000 сўмдан;
- Икки томонга: 466 000 сўмдан бошланади.
Эслатиб ўтамиз, 1978 йилда қурилган Андижон аэропорти 2023 йил апрелда таъмирга ёпилганди. Яқинда реконструкция ишларининг биринчи босқичи битказилди. Узунлиги 3,3 минг метр, кенглиги 60 метр бўлган янги учиш-қўниш йўлаги, юриш йўлаги ва самолётлар тўхташ жойи қурилди.
Андижон аэропорти ўтган йилларда модернизация қилинган 8 та аэропортдан бири бўлди. Аввалроқ Самарқанд, Термиз, Урганч, Шаҳрисабз, Мўйноқ, Қўқон, Зомин ва Сариосиё аэропортлари янгиланганди.