1-синфга қабул 20 июндан бошланади
Давлат хизматлари кўрсатилмайдиган ҳудудларда қабул қилинган болалар adm.maktab.uz орқали рўйхатга олинади.
2025–2026 ўқув йили учун 1-синфга қабул 20 июндан бошланади. Бу ҳақда Мактаб ва мактабгача таълим вазирлиги хабар берди.
Қабул жараёни 2 босқичда амалга оширилади:
1-босқич: 20 июн – 31 июл (микроҳудуд доирасида):
2-босқич: 1 август – 15 август. (микроҳудуддан ташқари)
Қабул электрон шаклда қуйидаги ҳудудларда my.maktab.uz платформаси орқали амалга оширилади.
Ота-оналар ушбу платформада рўйхатдан ўтиб, ариза топширишлари мумкин.
Видео-йўриқномада мактабни қандай аниқлаш тушунтирилган.
Давлат хизматлари кўрсатилмайдиган ҳудудларда қабул қилинган болалар adm.maktab.uz орқали рўйхатга олинади.
Эслатма: “Таълим тўғрисида”ги Қонунга кўра, 2018 йил 31 декабргача туғилган болалар 1-синфга қабул қилинади.